हेटौंडाः नुवाकोट जिल्लामा जारी बागमती प्रदेश लिग फुटबल प्रतियोगितामा मकवानपुर जिल्ला लिग विजेता डाँफे युवा क्लबले विजयी सुरुवात गरेको छ ।
आइतबार भएको खेलमा मकवानपुरको डाँफे युवा क्लबले काभ्रे जिल्लाको लिग विजेता आकाश भैरव क्लबलाई ३–१ गोलअन्तरले पराजित गरेको हो । म्यान अफ द म्याच मकवानपुरका समीरराज थोकरले २ गोल गर्दा राजन स्याङ्तानले १ गोल गरेका हुन् । मकवानपुरले समूह चरणको दोस्रो खेलमा मंगलबार काठमाडौंसँग खेल्नेछ ।
