हेटौंडाः वन विज्ञान संकायमा अध्ययनरत विद्यार्थीले क्याम्पस परिसरको सरसफाई गर्न सुरु गरेका छन् । हेटौंडा–१० स्थित त्रिभूवन विश्वविद्यालय अन्तर्गतको वन विज्ञान क्याम्पस र कृषि तथा वन विज्ञान विश्वविद्यालय अन्तर्गतको वन विज्ञान क्याम्पसमा अध्ययनरत विद्यार्थीहरुले सरसफाई अभियान नै सुरु गरेका छन् ।
आफू अध्ययनरत शैक्षिक संस्थाको सरसफाई एवम् सुदृढीकरणका लागि विद्यार्थी सक्रिय भएका हुन् । विद्यार्थीले क्याम्पस प्रशासनलाई पनि सरसफाईमा ध्यान दिन आग्रह गरेका छन् । विद्यार्थीको सक्रियतामा पछिल्लो १० दिनमा करिब एक टन फोहर व्यवस्थापन गरिएको सरसफाईमा सहभागी विद्यार्थी सुजन खतिवडाले जानकारी दिनुभएको छ ।
