हेटौंडाः मकवानपुरको राक्सिराङ गाउँपालिकामा ५२ वटा विद्यालयमा अर्धबार्षिक परीक्षा बिहीबार सकिएको छ । माघ २० गतेदेखि परीक्षा सुरु गरिएको राक्सिराङ आधारभूत विद्यालयका प्रधानाध्यापक राजु रेग्मीले जानकारी दिनुभएको छ ।
सम्बन्धित विद्यालयहरुले नै प्रश्नपत्र तयार पारेर परीक्षा लिएको हो । परीक्षाको व्यवस्थापन विद्यालय स्वयम्ले सवधानीपूर्वक गरिरहेको प्रधानाध्यापक रेग्मीले बताउनुभएको छ । कोभिड–१९ को संक्रमणका कारण लामो समय पठनपाठन हुन नसकेका कारण परीक्षा सञ्चालन तथा व्यवस्थापनमा पनि कठिनाई महसुस गरिए पनि विद्यार्थीको सहभागिता उत्साहजनक रहेको शिक्षकको भनाइ छ ।
परीक्षाको गाउँपालिकाका अध्यक्ष राजकुमार मल्ल, उपाध्यक्ष निर्मला हिम्डुङ, वडा अध्यक्ष रामकृष्ण प्रजासहित विद्यालय व्यवस्थापन समितिका पदाधिकारी तथा अभिभावकले पनि निरीक्षण गरेका थिए ।
