हेटौंडाः २८५७ औं सोनाम ल्होछार विशेष सांस्कृतिक कार्यक्रम हुने भएको छ । हेटौंडा–१३, पदमपोखरी ठूलोथली, गुम्बाडाँडामा फागुन ३ गते ल्होछार सांस्कृतिक कार्यक्रम हुने आयोजक २८५७ औं सोनाम ल्होछार विशेष वृहत सांस्कृतिक कार्यक्रम मुल समारोह समितिका आईमान थिङ्गले बताउनु भएको छ ।
सांस्कृतिक कार्यक्रममा राष्ट्रिय तथा स्थानीय कलाकारको प्रस्तुती र खेलकुद प्रतियोगिता समेत हुने बताइएको छ । वार्षिक रुपमा मनाउँदै आएको सोनाम ल्होछार यस वर्ष पनि मनाउने उहाँले बताउनु भयो । विश्व धुप, टिका भोम्जन, दीपक मुक्तान, सुशील थिङ र हाँस्य कलाकार धनपाटी तथा कोरियोग्राफर मेघना मगरको सांस्कृतिक कार्यक्रममा प्रस्तुती रहने आयोजक समितिले जनाएको छ ।
