हेटौंडाः जेसीआई बसमाडीको पदस्थापन समारोह आइतबार भएको छ । अध्यक्षमा गौतम केसी पदस्थापित हुनुभएको छ । जेसीआई बसामाडीको २२ औं पदस्थापन तथा पुरस्कार वितरण कार्यक्रममा वर्ष २०२० का अध्यक्ष बिबेक बजगाइँले गौतम केसीलाई वर्ष २०२१ को अध्यक्षमा पदस्थापन गराउनुभएको हो ।
केही दिनअघि भएको साधारणसभाले केसीको नेतृत्वमा सर्वसम्मत कार्यसमिति चयन गरेको थियो । अध्यक्षमा पदस्थापित हुनुभएका केसीले युवाहरुको नेतृत्व र व्यक्तित्व विकाससँगै सामाजिक कार्यलाई निरन्तरता दिँदै आफ्नो कार्यकाल नमूनालायक बनाउने प्रतिबद्धता व्यक्त गर्नुभयो । केसीले वर्ष २०२१ का लागि महासचिवमा चिराग अग्रवाल, कोषाध्यक्षमा सुरज डंगोल, कानूनी सल्लाहकारमा सरोज अधिकारी, जनसम्पर्क अधिकारी रत्न आरडीसहित अन्य विभिन्न पदमा मनोनित गर्नुभएको छ ।
यसअघि भएको साधारणसभाबाट कार्यकारिणी उपाध्यक्षमा जनक शर्मा भण्डारी र करण महत्रा तथा उपाध्यक्षमा दिपेन्द्र यादव, जितेन्द्र तिवारी, सरोज देवकोटा र रोशन पाण्डे सर्वसम्मत निर्वाचित भएका थिए । बागमती प्रदेश प्रमुख बिष्णु प्रसाइँको प्रमुख आतिथ्य एवम् चिराग अग्रवालको संयोजकत्वमा भएको कार्यक्रममा संविधानसभा सदस्य अनन्त पौडेल, सल्लाहकार अशोक शाक्य तथा विभिन्न शाखाका अध्यक्षहरु तथा विभिन्न संघ संस्थाका प्रमुख, प्रतिनिधिहरुको आतिथ्य रहेको थियो ।
