हेटौंडाः जेसीआई हेटौंडाको अध्यक्षमा लिसेन बस्नेत निर्वाचित हुनुभएको छ । शनिबार भएको निर्वाचनमा बस्नेतले ६४ मत प्राप्त गर्नु भई अध्यक्ष पदमा निर्वाचित हुनुभएको हो । अध्यक्षका अर्का आकांक्षी सुधीर दाहालले ४९ मत प्राप्त गर्नुभयो ।
यस्तै २ जना कार्यकारिणी उपध्यक्ष पदमा मनोज रिजाल (६५ मत) र पंकज दास बनियाँ (५८ मत) विजयी हुनुभएको छ । उपाध्यक्ष पदमा प्रविण गुप्ता (९२ मत), सुजन ढुंगाना (८९ मत), राज खड्गी (८७ मत) र गिरिजा अधिकारी (६५ मत) विजयी हुनुभएको जेसीआई हेटौंडाका निवर्तमान अध्यक्ष राजदेव बनियाँले जानकारी दिनुभयो । निर्वाचित समितिले जेसीजको विभिन्न पदमा अन्य सदस्यलाई मनोनित गर्नेछ ।
