हेटौंडाः मकवानपुर जिल्ला बचत तथा ऋण सहकारी संघ लिमिटेडले १६ औं स्थापना दिवसको अवसरमा शनिबार रक्तदान कार्यक्रमको आयोजना गरेको छ । कार्यक्रममा २१ जनाले रक्तदान गरेका छन् ।
हेटौंडा–२, शान्तिपथस्थित संघको कार्यालय परिसरमा रक्तदान कार्यक्रमको आयोजना गरिएको हो । रक्तसञ्चार केन्द्र हेटौंडाको प्राविधिक सहयोगमा रक्तदान कार्यक्रम भएको हो । संघकी अध्यक्ष कल्पना श्रेष्ठको अध्यक्षता तथा जिल्ला सहकारी संघ मकवानपुरका अध्यक्ष नारायणप्रसाद देवकोटाको प्रमुख आतिथ्यमा उद्घाटन कार्यक्रम भएको थियो ।
