हेटौंडाः मनहरी गाउँपालिकामा जारी तेस्रो अध्यक्ष कप फुटबल प्रतियोगताको सेमिफाइन खेल आजबाट सुरु हुँदैछ । आज वडा नम्बर ३ र ४ बिच पहिलो सेमिफाइनल खेल हुने मनहरी गाउँपालिका खेलकुद विकास समितिका अध्यक्ष नविन सुवेदीले जानकारी दिनुभयो ।
यस्तै भोलि हुने अर्को सेमिफाइनल खेलमा वडा नम्बर २ र ७ बिच प्रतिस्पर्धा हुनेछ । प्रतियोगिताको फाइनल खेल यही पुस ४ गते हुनेछ । खेलको विजेता हुने टिमले १ लाख रुपैयाँ प्राप्त गर्नेछन् भने उपविजेता हुने टिमले ५० हजार रुपैयाँ प्राप्त गर्नेछ ।
