हेटौंडाः हेटौंडा–२, सानोपोखरास्थित दामोदर कुमार श्रेष्ठको घरमा आइतबार दिउँसो आजलागी भएको छ । विद्युत सर्ट भएर आगलागी हुँदा करिब डेढ लाख रुपैयाँ बराबरको सरसामान जलेर नष्ट भएको छ भने दोस्रो तल्लाको ढलान चर्किएको छ ।
तीन तल्लाको घरको बीचको तल्लाको एउटा कोठामा आगलागी भएको हो । दिउँसो करिब २ बजेको समयमा आगलागी भएकोमा हेटौंडा उपमहानगरपालिकाको बारुण यन्त्रको प्रयोग गरेर आगो नियन्त्रणमा लिइएको थियो । आगलागी एउटा मात्रै कोठामा भए पनि चारकोठाको तीन तल्ले घरको दोस्रो तल्लाको छतमा क्षति पुगेको छ ।
