हेटौंडाः जुवा खेल्ने १० जनालाई बारा प्रहरीले पक्राउ गरेको छ । बारा जिल्लाको जितपुर–सिमरा उपमहानगरपालिका–२, सिमरास्थित सिमरा पाराडाइज होटलमा कौडा खेलिरहेको भन्ने खबर प्राप्त भएपछि प्रहरीले बिहीबार छापा मारेको जनाएको छ ।
प्रहरीले म्याट, पाउडर, १६ थान कौडासहित पाँच लाख ८२ हजार पाँच सय ५० रुपैयाँसहित १० जनालाई नियन्त्रणमा लिएको जनाएको छ । प्रहरीले पक्राउ पर्नेको नाम भने उल्लेख गरेको छैन ।
