हेटौंडाः बचत तथा ऋण सहकारी संस्थाको साझा संस्था नेपाल बचत तथा ऋण केन्द्रीय सहकारी संघ लिमिटेड (नेफ्स्कुन) ले प्रारम्भिक बचत तथा ऋण सहकारी संस्थाहरुको गुणस्तर सम्बन्धी मापदण्ड पालना गराएर प्रदान गर्ने प्रोवेसन ब्राण्डमा मकवानपुरका पाँचवटा सहकारी संस्था सफल भएको छ ।
नेफ्स्कुनको २९ औं वार्षिक साधारणसभाको अवसरमा शुक्रबार काठमाडौंमा आयोजित एक कार्यक्रममा देशभरका ४० वटा सहकारीलाई प्रोवेसन ब्राण्ड प्रदान गरिएको थियो । मकवानपुरको महिला अभियान, महिला जनचेतना, महिला मिलन, सक्रिय महिला र जागरण बचत तथा ऋण सहकारी संस्थाले प्रोवेसन ब्राण्ड प्राप्त गर्न सफल भएको हो । प्रोवेसन ब्राण्ड प्राप्त गर्न सफल सहकारीका प्रतिनिधिलाई शुक्रबार प्रमाणपत्र वितरण गरिएको छ ।
