हेटौंडाः नेपाल तरुण दल मकवानपुर जिल्ला समिति र हेटौंडा उपमहानगर समितिले संयुक्त रुपमा आयोजना गरेको रक्तदान कार्यक्रममा ४५ जनाले रक्तदान गरेका छन् ।
बुधबार बिहान हेटौंडाको बुद्धचोकमा रक्तदान कार्यक्रम भएको थियो । रक्तदान कार्यक्रममा रक्तसञ्चार केन्द्र हेटौंडाले प्राविधिक सहयोग गरेको थियो । तरुण दल मकवानपुरका अध्यक्ष ईश्वर पाठकको अध्यक्षता तथा नेपाली कांग्रेस मकवानपुरका सल्लाहकार माइकल रामचन्द्र अर्याल, जिल्ला उपसभापति विष्णुप्रसाद लामिछाने लगायतको उपस्थितिमा उद्घाटन कार्यक्रम भएको थियो ।
