हेटौंडाः हेटौंडा–११, डाङडुङेस्थित मामाघर नेपाललाई जन्मदिनको अवसरमा सहयोग गरिएको छ । हेटौंडा–१५ की आज्ञा थिङको पहिलो जन्मदिनको अवसरमा मामाघर नेपाललाई २ बोरा चामल, ५ किलो दाल, १ कार्टुन तेल, ३ प्याकेट पेन्सिल, ३ प्याकेट पेन, कापी १२ दर्जन सहयोग गरिएको छ । आज्ञाकी आमा अस्मिता थिङ र बुबा ज्ञान बहादुर थिङले मामाघर नेपाललाई सहयोग सामग्री हस्तान्तरण गर्नुभएको हो ।
यस्तै हेटौंडा–७ की सेजल खत्रीको २१ औं जन्मदिनको अवसरमा मामाघर नेपाललाई व्ल्याङ्केट १० थान, अण्डा ५ क्रेट र ५ हजार रुपैयाँ नगद सहयोग गरिएको छ । सेजलका बुबा वीरेन्द्र खत्री र आमा सञ्जीता खत्रीसहित परिवारका अन्य सदस्य मामाघर नेपालमै पुगेर सहयोग सामग्री हस्तान्तरणसँगै केक काटेर खुसियाली मनाएको मामाघर नेपालका संरक्षक अर्पण पराजुलीले जानकारी दिनुभयो ।
