हेटौंडाः नर्सिङ संघ मकवानपुरले हेटौंडा–६, गौरिटारस्थित आइसोलेसन वार्डमा उपचाररत कोरोना संक्रमित महिलाहरुलाई सहयोग गरेको छ । आइसोलेसन वार्डको निरीक्षण समेत गर्दै नर्सिङ संघ मकवानपुरका पदाधिकारीले उपचाररत १६ जना महिलालाई सेनेटरी प्याड ५० थान सहयोग गरेको छ ।
आइसोलेसन वार्डको व्यवस्थापन सबै सन्तोषजनक भए पनि फोहर व्यवस्थापनमा भने ध्यान दिनुपर्ने अवस्था रहेको नर्सिङ संघ मकवानपुरकी अध्यक्ष कुन्ता दाहालले जानकारी दिनुभएको छ । आइसोलेसन वार्डमा कोरोना संक्रमित ८४ जना पुरुष र १६ जना महिला उपचाररत छन् ।
