हेटौंडाः गत आर्थिक वर्ष २०७६\७७ मा अख्तियार दुरुपयोग अनुसन्धान आयोगको कार्यालय हेटौंडामा एक हजार एक सय २६ वटा उजुरी परेको थियो । जसमध्ये सात सय आठ वटा उजुरीको फछ्र्यौट भएको अख्तियार कार्यालय हेटौंडाका कानून उपसचिव ओम प्रकाश बरालले जानकारी दिनुभयो । यस्तै चार सय १८ वटा उजुरी भने फछ्र्यौट हुन नसकेको उहाँले जानकारी दिनुभयो ।
बागमती प्रदेशको राजधानी हेटौंडास्थित अख्यितार दुरुपयोग अनुसन्धान आयोगको कार्यालयले बारा, पर्सा, दोलखा, सिन्धुपाल्चोक, रसुवा, धादिङ, नुवाकोट, काठमाडौं, भक्तपुर, काभ्रेपलान्चोक, रामेछाप, मकवानपुर र चितवनमा काम गर्दै आएको छ । जसमध्ये ९ जिल्लामा प्रत्यक्ष कार्यालयबाट कार्य सम्पादन हुन्छ भने ३ जिल्लाहरु दोलखा रामेछाप तथा रसुवामा भने प्रमुख जिल्ला अधिकारी मार्फत कार्य हुने गरेको छ । अख्तियार दुरुपयोग अनुसन्धान आयोगको कार्यालयमा गत आर्थिक वर्ष २०७६\७७ मा मकवानपुर जिल्लाबाट मात्रै दुई सय ३५ उजुरी परेको थियो । उजुरी परेका मध्ये एक सय ३४ उजुरी फछ्र्यौट भएको छ भने एक सय एक वटा उजुरी प्रक्रियामा रहेको जनाएको छ ।
मकवानपुरबाट संघीय सरकारको भौतिक पूर्वाधार तथा यातायात मन्त्रालय अन्तर्गत आठ वटा उजुरी परेकोमा दुई वटा फछ्र्यौट भएको छ भने दुई वटा उजुरी फछ्र्यौट हुन बाँकी रहेको छ । त्यस्तै बागमती प्रदेशको भौतिक पूर्वाधार विकास कार्यालयमाथि नौं वटा उजुरी परेकोमा अख्तियारले छ वटा उजुरी फछ्र्यौट गरेको छ । प्रदेशको उद्योग, पर्यटन, वन तथा वातावरण मन्त्रालय अन्तर्गत वन तथा वातारणमा गत आवमा २६ वटा उजुरी परेको अख्तियार कार्यालय हेटौंडाले बताएको छ । जसमध्ये नौं वटा उजुरीको फछ्र्यौट भएको छ भने १७ उजुरी प्रक्रियामा रहको जनाइएको छ । प्रदेशको मुख्यमन्त्री कार्यालयमा पनि एउटा उजुरी परेकोेमा फछ्र्यौट हुन सकेको छैन । त्यस्तै संघीय सरकारको भूमि व्यवस्था, सहकारी तथा गरिबी निवारण मन्त्रालय अन्तर्गत पनि मकवानपुरमा छ वटा उजुरी परेकोमा सबै फछ्र्यौट भएको छ । प्रदेशको आर्थिक मामिला तथा योजना मन्त्रालय अन्तर्गत मकवानपुरबाट एउटा उजुरी परेकोमा फछ्र्यौट हुन बाकी रहेको छ ।
संघीय गृह मन्त्रालयमा मकवानपुरको १३ वटा उजुरी दर्ता भएकोमा १० वटा उजुरी मात्र फछ्र्यौट भएको, प्रदेशको भूमि व्यवस्था, कृषि तथा सहकारी मन्त्रालयको कामकारबाहिमा १३ उजुरी परकोमा अख्तियार कार्यालय हेटौंडाले छ वटा उजुरी मात्र गत आवमा फछ्र्यौट गरेको छ । सामाजिक विकास मन्त्रालयको स्वास्थ्य क्षेत्रमा तीन उजुरीमा परेकोमा तीन वटै फछ्र्यौट, संघीय सञ्चार तथा सूचना प्रविधिमा एउटा उजुरी परकोमा फछ्र्यौट भएको छ । संघीय मामिला मन्त्रालय अन्तर्गत स्थानीय तहका ७४ उजुरी परेकोमा ३९ वटा उजुरी फछ्र्यौट भएको, अख्तियार दुरुपयोग अनुसन्धान आयोग बाहेक संवैधानिक अङ्गमा एउटा उजुरी परेको र फछ्र्यौट भएको छ । मकवानपुर जिल्लामा संघीय उर्जा, जलस्रोत तथा सिञ्चाई मन्त्रालयमा १० वटा उजुरी परेकोमा सात वटा फछ्र्यौट भएको, बागमती प्रदेशको सामाजिक विकास मन्त्रालयविरुद्ध शिक्षा र स्वास्थ्य बाहेकमा एउटा उजुरी परेको र फछ्र्यौट हुन बाकी रहेको, मकवानपुरमा संघीय खानेपानी मन्त्रालयविरुद्ध दुई वटा उजुरी परेकोमा फछ्र्यौट भएको, संघीय शहरी विकास मन्त्रालयमा एउटा उजुरी परेकोमा फछ्र्यौट भएको, बागमती प्रदेशको भौतिक विकास मन्त्रालय अन्तर्गत खानेपानी र शहरी विकास शाखा उपर चार वटा उजुरी परेकोमा तीन वटाको फछ्र्यौट भएको छ ।
संघीय शिक्षा, विज्ञान तथा प्रविधि मन्त्रालय अन्तर्गत मकवानपुरमा १३ वटा उजुरी परेकोमा आठ वटाको फछ्र्यौट भएको, स्थानीय तहको शिक्षाको विषयमा मकवानपुरमा २६ वटा उजुरी परेकोमा १६ वटाको फछ्र्यौट भएको छ । यस्तै संघीय युवा तथा खेलकूद मन्त्रालयविरुद्ध मकवानपुरमा एउटा उजुरी परेकोमा फछ्र्यौट भएको, संघीय उद्योग वाणिज्य तथा आपूर्ति मन्त्रालय मातहत मकवानपुरबाट १४ उजुरी परेकोमा ८ वटाको फछ्र्यौट भएको, राष्ट्रिय पुनर्निर्माण प्राधिकरणमाथि मकवानपुरबाट तीनवटा उजुरी परकोमा दुईवटा फछ्र्यौट भएको, प्रदेशको उद्योग, पर्यटन, वन तथा वातावरण मन्त्रालयको पर्यटन, उद्योग र आपूर्तिविरुद्ध पाँच वटा उजुरी परेकोमा एउटा मात्र गत आर्थिक वर्षमा फछ्र्यौट भएको छ भने अन्य एउटा उजुरी परेकोमा सो पनि फछ्र्यौट भैसकेको हेटौंडा स्थित अख्तियारको कार्यालयले जानकारी दिएको छ ।
चालू आर्थिक वर्षको सुरुवातमा नै अख्तियार दुरुपयोग अनुसन्धान आयोगको कार्यालय हेटौंडाले एक स्टिङ अपरेशन सम्पन्न गरेको छ । स्टिङ अपरेशन मार्फत दुई जनालाई घुस रकम लिँदालिँदै गरेको अवस्थामा पक्राउ गरेको र अहिले उनीहरुविरुद्ध मुद्दा चलिरहेको अख्तियार कार्यालय हेटौंडाले जनाएको छ । आर्थिक वर्ष २०७६\०७७ मा अख्तियारको हेटौंडास्थित कार्यालयले १७ वटा स्टिङ अपरेशन गरेको जनाएको छ । स्टिङ अपरेशन गरेर घुस लिँदै गरेका वा लिएका २१ जनालाई नियन्त्रणमा लिइएको अख्तियार दुरुपयोग अनुसन्धान आयोगको कार्यालय हेटौंडाका कानुन उपसचिव ओम प्रकाश वरालले जानकारी दिनुभयो । यसैगरी बागमती प्रदेशको राजधानी हेटौंडामा रहेको अख्तियार दुरुपयोग अनुसन्धान अयोगको कार्यालयले आर्थिक वर्ष २०७६\७७ को वार्षिक प्रतिवेदन प्रदेश प्रमुखलाई छिट्टै बुझाउने जनाएको छ । संघीय सरकारमा अख्तियार दुरुपयोग अनुसन्धान आयोगको कार्यालयले राष्ट्रपतिलाई वार्षिक प्रतिवेदन बुझाएलगत्तै प्रदेश प्रमुखलाई पनि हेटौंडामा बुझाइने हेटौंडास्थित कार्यालयका कानून उपसचिव ओम प्रकाश बरालले बताउनुभयो ।
