हेटौँडा : लागूऔषध गाँजासहित मकवानपुर प्रहरीले बकैया गाउँपालिका–१, छतिवनकी २३ वर्षीया अस्मिता बम्जनलाई पक्राउ गरेको छ । बुधबार दिउँसो १२ बजेर २० मिनेटको समयमा पूर्व–पश्चिम राजमार्गअन्तर्गत हेटौँडा–३, लेवटबाट प्रहरीले अस्मितालाई ३ किलो ५१० ग्राम लागूऔषध गाँजासहित पक्राउ गरेको जनाएको छ ।

प्रहरीले सवारी साधनहरु रोकेर सुरक्षाजाँच गर्ने क्रममा मनहरीबाट हेटौँडा बजारतर्फ आउँदै गरेको बा प्र ०३–००१ ख ०१२० नम्बरको मकवानपुर साझा बसमा सवार अस्मिताको साथबाट गाँजा बरामद भएको हो । मकवानपुर जिल्ला अदालतबाट ३ दिनको म्याद अनुमति लिई प्रहरीले अस्मितालाई हिरासतमै राखेर अनुसन्धान गरिरहेको जनाएको छ ।