हेटौँडा ः नेकपा एमालले बागमती प्रदेश संसदीय दलका नेता जगन्नाथ थपलियाले राजनीतिक स्थिरताको काम वर्तमान सरकारले गरिरहेको बताउनुभएको छ । उहाँले वर्तमान सरकार २०८४ सम्म निरन्तर जानेमा शंका नरहेको उहाँले बताउनुभयो ।
शुत्रबार बसेको प्रदेशसभाको बैठकमा बोल्दै नेता थपलियाले केही विदेशी शक्तिहरु नेपालाई अस्थिरता तर्फ धकेल्न अग्रसर रहेको बताउनुभयो । नेपाल संघीय गणतन्त्रको अभ्यासमा गरिरहेको र त्यसलाई सफलताका साथ कार्यान्वयन गरिरहेको उहाँले बताउनुभयो ।
अहिलेको गठनबन्धन र सरकारले गरेको कामबाट केही व्यक्तिहरुलाई छट्पट्टी भइरहेको उहाँको भनाई छ । केही विदेशी शक्तिहरु नेपाललाई समाजवाद तर्फ अघि बढ्नबाट रोकिरहेका उहाँले बताउनुभयो ।
प्रदेशसभाले राजस्वका क्षेत्र, प्रहरी र निजामती कर्मचारीको अधिकारका सन्दर्भमा छलफल गर्नुपर्ने उहाँको भनाई छ । संसदको बहस मेगा प्रोजेक्ट, वैदेशीक सहायता लिने लगायतका क्षेत्रमा अघि बढाउनुपर्ने उहाँले बताउनुभयो ।
