हेटौँडाः बागमती प्रदेशका आन्तरिक मामिला तथा कानुन मन्त्री सुरजचन्द्र लामिछानेले निश्पक्ष र पारदर्शी सूचनाले लोकतन्त्रलाई बलियो बनाउने बताउनु भएको छ । लोकतन्त्रको बलियो आधार पारदर्शी र सुशासन रहेकाले उक्त विषयमा सूचनाले महत्वपूर्ण भुमिका निर्वाह गरेको उहाँले बताउनुभयो ।
मंगलबार हेटौंडामा आयोजित सूचनाको हक प्रवद्र्धन सम्बन्धी अन्तरक्रिया कार्यक्रमलाई सम्बोधन गर्दै मन्त्री लामिछानेले सूचनाले अक्सिजनको रुपमा काम गर्ने बताउनुभयो । समाज परिवर्तनमा सूचना प्रविधिको महत्वपूर्ण भुमिका रहेको उहाँले बताउनुभयो ।
सूचना लुकाउनु वा सूचना प्रवाहमा रोक लगाउनु निरंकुशता भएको बताउनुभयो । सूचनाले सत्यको नजिक पु¥याउने र त्यसले कार्य सम्पादनमा योजना निर्माणमा मार्ग दर्शन गर्ने उहाँको भनाई छ । पछिल्लो समय सूचनाको दुरुपयोग गर्ने प्रवृत्ति बढेको मन्त्री लामिछानेले बताउनुभयो । नागरिकको प्रत्यक्ष सरोकारका विषय जोडिएको सूचनालाई प्रवाह गरी सूशुचित गर्नुपर्ने उहाँले बताउनुभयो ।
