हेटौँडाः सिन्धुपाल्चोक जिल्लाको बाह्रबिसे नगरपालिका–३, खुर्सानिबारीमा नेपाल विद्युत प्राधिकरणको विद्युतको पोलमा चडी तार फेर्ने क्रममा करेन्ट लागेर एक जना पुरुषको मृत्यु भएको छ । मृत्यु हुनेमा मकवानपुर थाहा नगरपालिका पालुङ घर भई हाल बाह्रबिसे नगरपालिका–४, बस्ने ३३ वर्षीये रामचन्द्र तामाङ रहेको बागमती प्रदेश प्रहरी कार्यालय हेटौँडाले जानकारी दिएको छ ।
शनिबार साँझ ५ बजेर ३५ मिनेटको समयमा नेपाल विद्युत प्राधिकरणको विद्युतको पोलमा चडी तार फेर्ने क्रममा तामाङ करेन्ट लागेर पोलमै झुण्डि रहेको अवस्थामा मृत फेला परेका थिए । तामाङ प्राधिकरणका ज्याला मजदुरीमा काम गर्ने कर्मचारी थिए । मुचुल्का पश्चात शव पोष्टमार्टमका लागि प्राथमिक स्वास्थ्य केन्द्र बारबिसे लगिएको छ ।
