हेटौँडाः हेटौँडा–४, रजतजयन्तीचोकमा ट्रकले किच्दा घाइते भएका हेटौँडा–१, चौकीटोलका ३३ वर्षीय कृष्ण न्यौपानेको उपचारको क्रममा मृत्यु भएको छ । सोमबार दिउँसो ३ बजेर १० मिनेटको समयमा पूर्व–पश्चिम राजमार्गअन्तर्गत हेटौँडा–४, रजतजयन्तीचोकमा ना ६ ख ३३७६ नम्बरको ट्रकले किच्दा न्यौपाने गम्भीर घाइते भएका थिए ।
घाइते न्यौपानेको हेटौँडा अस्पतालमा सामान्य उपचार पश्चात थप उपचारका लागि सोमबार दिउँसो ४ बजे नारायणी संघको समन्वयमा ऐलाईफ अस्पताल भरतपुर लगिएको थियो । न्यौपानेको मंगलबार बिहान ७ बजेको समयमा उपचारको क्रममा डाक्टरले मृत घोषणा गरेको प्रहरीले जानकारी दिएको छ । अनुसन्धानको क्रममा न्यौपाने बजार क्षेत्रमा मजदुरी गरी बजार क्षेत्रमै खाने बस्ने गरेको पाइएको छ । ट्रक र ट्रक चालक पर्सा जिल्लाको जिराभवानी गाउँपालिका–९, शंखरसरैयाका ४९ वर्षीय सुखाडी भैयालाई प्रहरीले नियन्त्रणमा लिएको छ ।
