हेटौँडाः नेपाल पत्रकार महासंघ मकवानपुर जिल्ला शाखाको नवनिर्वाचित अध्यक्ष बालकृष्ण अधिकारीलाई पद हस्तान्तरण गरिएको छ । शुक्रबार सम्पन्न निर्वाचनबाट निर्वाचित बालकृष्ण अधिकारीलाई निवर्तमान अध्यक्ष मणिराज गौतमले शनिबार जिम्मेवारी हस्तान्तरण गर्नुभएको हो ।
नेपाल पत्रकार महासंघको हेटौँडा–४ स्थित कार्यालयको सभाहलमा निर्वाचन समितिले नवनिर्वाचित समितिलाई पद तथा गोपनीयताको सपथ ग्रहण गराएर जिम्मेवारी हस्तान्तरण गरिएको हो । महासंघको जिल्ला शाखा अध्यक्षको निर्वाचनमा अध्यक्षका आकांक्षी अञ्जली थापा, पोष्टराज अधिकारी र सुरेश श्रेष्ठ थिए । नवनिर्वाचित समितिको कार्यकाल ३ वर्षको हुनेछ ।
