हेटौँडाः जिल्ला प्रहरी कार्यालय मकवानपुरले गाँजासहित २ जनालाई हेटौँडाबाट पक्राउ गरेको छ । बिहिबार बिहान ६ बजेर १० मिनेटको समयमा ३१ किलो १ सय २० ग्राम गाँजासहित २ जनालाई प्रहरीले पक्राउ गरेको हो ।
हेटौँडा–१५, रातोमाटेस्थित प्रहरी चेकपोष्टबाट प्रहरीले मनहरीबाट पथलैयातर्फ जाँदै गरेको ना १ ह ८३२४ नम्बरको अटोलाई रोकी सुरक्षा जाँच गर्दा गाँजा बरामद गरेको हो । प्रहरीले गाँजासँगै अटो चालक मनहरी गाउँपालिका–७, पेन्चेका ३३ बर्षीय शंकर स्याङ्तान र आटोमा सवार ४० बर्षीय रामशरण प्रजालाई नियन्त्रणमा लिएको छ । लागूऔषधसहित पक्राउ परेका स्याङ्तान र प्रजासहित अटो नियन्त्रणमा लिई आवश्यक अनुसन्धान गरिरहेको प्रहरीले जनाएको छ ।
