हेटौँडाः बागमती प्रदेशका मुख्यमन्त्री बहादुर सिंह लामाले संघीयता कार्यान्वयन पश्चात नागरिकहरुमा स्वास्थ्य सेवाको पहुँच बढेको बताउनु भएको छ । संघीय प्रणाली मार्फत् नागरिहरुको स्वास्थ्य सम्बन्धी समस्या हल गर्न प्रदेश सरकारले काम गरिरहेको उहाँँले बताउनुभयो ।
स्वास्थ्य मन्त्रालय अन्तर्गतको निकायहरुको समिक्षा कार्यक्रमको उद्घाटन गर्दै मुख्यमन्त्री लामाले नागरिकहरुको नजिकको सरकारको रुपमा रहेर प्रदेशले शिक्षा र स्वास्थ्य सेवा प्रवाह गरिरहेको दावी गर्नुभयो । नागरिकहरुसंग प्रत्यक्ष जोडिएर प्रदेश सरकारले स्वास्थ्य र शिक्षा क्षेत्रको कार्यक्रम र सेवा प्रवाह गरिरहेको उहाँले बताउनुभयो ।
स्वास्थ्य क्षेत्रका विकृति अन्त्यका लागि प्रयत्न गरिरहेको उहाँको भनाई छ । नागरिकहरुको प्रत्यक्ष सरोकारको क्षेत्र रहेकाले सरकारले प्राथमिकताका साथ स्वास्थ्य क्षेत्रको समस्या हल गर्न अग्रसर भएको उहाँँले बताउनुभयो । प्रदेश सरकार स्थापजना पश्चात स्वास्थ्य क्षेत्रमा निकै सुधार आएको उहाँँले बताउनुभयो ।
‘प्रदेश सरकार स्थापना पश्चात नागरिकहरुको स्वास्थ्य सेवा पहुँच वृद्धि भएको छ । विगतको तुलनामा शिक्षा र स्वास्थ्य सेवामा गुणस्तरिता वृद्धि हुनुको साथै नागरिकका समस्याहरु हल भएका छन् ।’ उहाँले भन्नुभयो, ‘विगतमा केन्द्रीकृत शासन प्रणालीका कारण नागरिकहरुमा शिक्षा र स्वास्थ्यको पहुँच पुग्न सकेको थिएन । एकल अधिकार सूचिमा भएरपनि हुन सक्छ प्रदेशले स्वास्थ्य र शिक्षा क्षेत्रमा नागरिकसंग जोडिर काम गरिरहेको छ ।’
शिक्षा र स्वास्थ्य क्षेत्रलाई नागरिक मैत्री, सर्वसुलभ बनाउन प्रदेश सरकार कानुनलाई समायानुकुल बनाउन तयार रहेको उहाँँले बताउनुभयो । मुख्यमन्त्री लामाका अनुसार पुर्वाधार तर्फ मात्र नभइ चेतनामुलक क्षेत्रमा लगानी बढाएर नागरिकहरुलाई स्वस्थ बनाउन प्रदेश सरकार प्रयासरत रहेको छ । प्रदेश सरकारले नागरिकको स्वास्थ्यलाई प्राथमिकतामा राखेर आहार तथा पोषणलाई व्यवस्थित गर्ने तयारी गरेको उहाँको भनाई छ । खानेकुराको व्यवस्थापन गर्न सके निकै रोगहरुबाट बच्न सक्ने भएकाल त्यस तर्फ प्रदेश सरकार गम्भिर भइर अघि बढेको उहाँँले बताउनुभयो ।
कार्यक्रममा स्वास्थ्य मन्त्री किरण थापाले पछिल्लो समय प्रादेशिक अस्पतालहरुका विरामीको चाप बढिरहेको बताउनुभयो । प्रदेश सरकारलाई विरामीको व्यवस्थापन चुनौतिको रुपमा देखिएको उहाँँले बताउनुभयो । नागरिकहरुको गुणस्तरिय र सहज सेवाका लागि आवश्यक चिकीत्सक, स्वास्थ्यकर्मी, उपकरण पु¥याउने विषय सरकारले काम गरिरहेको उहाँँले बताउनुभयो ।
