हेटौँडाः मकवानपुर जिल्ला लिग फुटबल प्रतियोगिता अन्तर्गत आज मंगलबार समूह चरणको ४ खेल हुँदैछ । हेटौंडा–६,स्थित गौरीटार रंगशालामा दुई र हेटौंडा–११,स्थित सिमलटारमा दुई गरी ४ खेलहरु हुनेछ । खेल दिउँसो १ बजेबाट सुरु हुनेछ ।
गौरीटारको पहिलो खेलमा एफसी चाइना क्वाटर विरुद्ध प्रतिभा क्लव बीच प्रतिस्पर्धा हुनेछ । यस्तै दोस्रो खेल एफसी इन्टरनेट विरुद्ध एफसी पोतला बीच प्रतिस्पर्धा हुँदैछ । यस्तै सिमलटार खेल मैदानमा हाँडिखोला युवा क्लव र युनाइटेड नाइन तथा दोस्रो खेलमा सहिद स्मृति क्लव र पशुपति क्लव बीच प्रतिस्पर्धा हुँदैछ । दोस्रो खेल दिउँसो ४ बजे हुनेछ । फाइनल खेल असोज ९ गते हुनेछ ।
