हेटौंडाः हेटौंडाको बुद्धचोकमा भएको रक्तदान कार्यक्रममा २८ जनाले रक्तदान गरेका छन् । आइतबार हेटौंडा स्कुल अफ म्यानेजमेन्ट (एचएसएम) सोसल सर्भिस क्लब र रोट्र्याक्ट क्लब अफ मकवानपुरले संयुक्तरुपमा रक्तदान कार्यक्रमको आयोजना गरेको थियो ।
कार्यक्रममा ४ जना महिला र २४ जना पुरुषले रक्तदान गरेका रक्तसञ्चार केन्द्र हेटौंडाले जनाएको छ । उक्त कार्यक्रममा रोटरी क्लब अफ मकवानपुरका प्रमुख अनिल अग्रवालको प्रमुख आतिथ्य रहेको थियो । रक्तदान कार्यक्रममा रक्तसञ्चार केन्द्र हेटौंडाको प्राविधिक सहयोग रहेको थियो । यस्तै भदौ १५ गते हेटौँडा–११, नवलपुरस्थित नवयुवा बचत तथा ऋण सहकारी संस्था लिमिटेडले पनि रक्तदान कार्यक्रमको आयोजना गर्दैछ ।
