हेटौँडाः बागमती प्रदेश सरकारले गाइजात्राको अवसरमा मंगलबार सार्वजनिक विदा दिने निर्णय गरेको छ । आइतबार आन्तरिक मामिला तथा कानुन मन्त्रालयले एक सुचना जारी गर्दै नेवार समुदायले ऐतिहासिक तथा धार्मिक रुपमा मनाउने गाईजात्रा पर्वको अवसरमा प्रदेशभर सार्वजनिक विदा दिने निर्णय गरेको हो ।
शुक्रबार बसेको बैठकले भदौ ४ गते (मंगलबार) गाईजात्राको अवसरमा प्रदेश भर सार्वजनिक विदा दिने निर्णय गरेको थियो । प्रदेश सरकारी कामकाजी भाषा ऐन २०८० अनुसार सार्वजनिक विदा दिने निर्णय गरेको हो । ऐन अनुसार गाईजात्रा पर्वमा हरेक वर्ष विदा दिने निर्णय गरेको छ । उक्त निर्णयसंगै बागमती प्रदेशमा भदौ ४ गते गाईजात्राको दिन सार्वजनिक संस्थान, विद्यालय, निजी संघसंसथाहरु बन्द रहनेछन् ।
