हेटौंडाः मकवानपुरको मनहरी गाउँपालिकाले आगामी आर्थिक वर्षका लागि नीति तथा कार्यक्रम सार्वजनिक गरेको छ । गाउँपालिका अध्यक्ष रञ्जन कालाखेतीले बुधबार बसेको गाउँसभा बैठकमा आगामी आर्थिक वर्ष २०८१/०८२ को नीति तथा कार्यक्रम प्रस्तुत गर्नुभएको हो ।
गाउँपालिका शिक्षा तथा स्वास्थ्य क्षेत्रमा पछाडि रहेको छ । गाउँपालिकाले नीति तथा कार्यक्रममार्फत् शिक्षाको अवस्था सुधार गर्न विशेष जोड दिइएको छ । आर्थिक अभावका कारण विद्यालय जानबाट वञ्चित बालबालिका तथा श्रोत अभावका कारण शिक्षक व्यवस्थापन गर्न नसकेका विद्यालयलाई छात्रवृत्ति र अनुदानको व्यवस्था गरिने नीति लिएको छ ।
किसानलाई आवश्यक यन्त्र, उपकरण रोजेर किन्न पाउने, प्लाष्टिक टनेल अनुदान, उत्पादित तरकारी तथा फलफूल भण्डारणका लागि शितभण्डार निर्माण, पशुपालन प्रवद्र्धन गर्न पशु बिमा अनुदान, दुग्ध उत्पादनमा सहयोग र कृत्रिम गर्भाधान सेवा प्रदान गर्ने नीति तथा कार्यक्रममा उल्लेख छ ।
