हेटौंडाः हेटौंडा–१, चौकीटोलस्थित ग्रीडमा समस्या भएपछि आज बिहान ११ः४५ मा हेटौंडा वितरण केन्द्रअन्तर्गतका ८ वटै फिडरमा विद्युत अवरुद्ध भएको छ । ट्रान्सफर्मरबाट फिडरमा विद्युत प्रवाह गर्ने तार पड्कीएर क्षति भएपछि विद्युत अवरुद्ध भएको नेपाल विद्युत प्राधिकरण हेटौंडा वितरण केन्द्रका प्रमुख योगेन्द्र ठाकुरले जानकारी दिनुभयो ।
विद्युत अवरुद्ध भएको करिब १ घण्टापछि ८ मध्ये ३ वटा फिडरमा विद्युत सुचारु गरिएको केन्द्र प्रमुख ठाकुरले जानकारी दिनुभयो । दिउँसो १२ः४५ मा हेटौंडा वितरण केन्द्रअन्तर्गतको भुटनदेवी, एचआईडी र युनिलिभर फिडरमा विद्युत सुचारु भएको छ । अबको केहीबेरमा सबै फिडरमा विद्युत प्रवाह सुचारु गरिने केन्द्र प्रमुख ठाकुरले जानकारी दिनुभएको छ ।
