हेटौंडाः हेटौंडा उपमहानगरपालिकाले हेटौंडा–४, हुप्राचौरमा रहेको पुरानो बासृदेव सभागृहमा आधुनिक, समयसापेक्ष सुविधायुक्त सभागृह सहित बहुउद्देश्यीय व्यवसायीक कम्प्लेक्स भवन निर्माण गर्ने भएको छ । त्यस्तै कम्प्लेक्स र आधुनिक भ्यूटावरको विस्तृत परियोजना (डिपिआर) तयार भैरहेको हेटौंडा उपमहानगरपालिकाले जनाएको छ ।
आगामी आर्थिक वर्षको नीति तथा कार्यक्रममा पनि सभागृह र भ्यू टावरलाई समावेश गरिएको उपमहानगरपालिकाका उमपेयर मिनाकुमारी लामाले जानकारी दिनुभयो ।
हेटौंडा–४ को सभागृहको अहिलेको पछिल्लो अवस्था नाजुक रहेको छ । सभागृह भनिएतापनि फोहोर, र व्यवस्थापन नहुँदा भएको जमिन र भवनको उपयोग हुन सकेको छैन । सभागृह परिसरमा भएको राजा विरेन्द्रको मुर्ति पनि भग्नावशेष अवस्थामा छ ।
आवश्यक संरक्षण र मर्मत हुने सके हुप्राचौरको बासुदेव गृह हेटौंडाकै सुन्दर व्यवसायीक कम्प्लेक्सका साथै पर्यटनको केन्द्र बन्न सक्छ । जसले आन्तरिक पर्यटनलाई पनि टेवा दिन सहयोग पुग्छ ।
