हेटौँडाः नेपालमा कम्युनिष्ट पार्टी स्थापनाको ७५ औं वार्षिकोत्सवको अवसरमा नेकपा एमाले मकवानपुर जिल्ला कमिटीले सोमबार रक्तदान कार्यक्रम गरेको छ ।
हेटौँडा–५ स्थित पार्टी कार्यालयमा भएको कार्यक्रममा १७ जनाले रक्तदान गरेका छन् । रक्तदान कार्यक्रममा रक्तसञ्चार केन्द्र हेटौँडाको प्राविधिक सहयोग रहेको छ । यस्तै भोलि मंगलबार पनि रक्तदान कार्यक्रम रहेको रक्तसञ्चार केन्द्र हेटौँडाले जनाएको छ ।
