हेटौंडाः हेटौंडा–१३ मा रहेको वनस्पति अनुसन्धान केन्द्र मकवानपुरमा जडीबुटी खेतीसम्बन्धी तालिम सुरु भएको छ । मंगलबारबाट सुरु भएको प्रशिक्षण तालिम २४ गते बिहीबारसम्म सञ्चालन हुनेछ ।
तालिमको उद्घाटन मकवानपुरका प्रमुख जिल्ला अधिकारी सूर्यप्रसाद सेढाईंले विरुवामा पानी हालेर गर्नुभएको थियो । तालिमको सहजीकरण वनस्पति अनुसन्धान केन्द्र मकवानपुरका वरिष्ठ वैज्ञानिक अधिकृत रघुराम पराजुलीले गरिरहनुभएको छ । तालिममा मकवानपुरगढी गाउँपालिका, बकैया गाउँपालिका, मनहरी गाउँपालिका, थाहा नगरपालिका र हेटौंडा उपमहानगरपालिकाका १८ जनाको सहभागिता रहेको छ । तालिम बिहान १० बजेदेखि बेलुका ५ बजेसम्म हुनेछ ।
तालिममा मकवानुरमा रहेको वनस्पति तथा जडीबुटी, वनस्पति उद्यान, नेपालमा प्राथमिकतामा रहेको जडीबुटी आदिको बारेमा जानकारी दिइनेछ । यस्तै, वनस्पति स्रोतको कार्य क्षेत्रहरु, नेपालमा जडीबुटी र गैरकाष्ठ वन पैदावार आदि विषयमा प्रशिक्षण भएको थियो ।
