हेटौँडाः काभ्रेपलाञ्चोक र धादिङ जिल्लामा एकै दिन २ जना मृत फेला परेको बागमती प्रदेश प्रहरी कार्यालय हेटौँडाले जानकारी दिएको छ । काभ्रेपलाञ्चोक जिल्लाको बनेपा नगरपालिका–७, टुल्कीफाँटमा एक जना पुरुष मृत फेला परेका छन् ।
मृत फेला पर्नेमा खानीखोला गाउँपालिका–६, घर भई टुल्कीफाँटमा काम गरी बस्ने ३४ वर्षीय दुर्गा राना मगर रहेको प्रहरीले जानकारी दिएको छ । आइतबार राती ८ बजेर ४० मिनेटको समयमा चालिसे आफ्नै कोठाको ओछ्यानमा सुतिरहेको अवस्थामा मृत फेला परेका थिए । अनुसन्धानका क्रममा चालिसेले अत्याधिक मादक पदार्थ सेवन गरेको पाइएको प्रहरीले जानकारी दिएको छ ।
यस्तै, धादिङ जिल्लाको निलकण्ठ नगरपालिका–१३, केरुङजामा एक जना पुरुष मृत फेला परेका छन् । मृत फेला पर्नेमा धादिङ नेत्रावती डबजोङ गाउँपालिका–५, बानिचौर बस्ने ६५ वर्षीय निरमायाँ गुरुङ रहेको प्रहरीले जानकारी दिएको छ । शव मुचुल्का पश्चात पोष्टमार्टमका लागि जिल्ला अस्पताल धादिङबेशी लगिएको प्रहरीले जानकारी दिएको छ ।
