हेटौँडाः बागमती प्रदेश सरकार मन्त्री परिषद्को बैठक बिहिबार बसेको छ । बैठकले समुदायमा आधारित एक वडा एक कृषि उत्पादन कार्यक्रम कार्यान्वयन कार्यविधि–२०८० स्वीकृत गरेको छ ।
मन्त्रीपरिषद्को बैठकले चेपाङ समुदायको उत्थानका लागि चिउरी र चमेरो संरक्षण कार्यक्रम सञ्चालन निर्देशिका–२०८०, बागमती प्रदेशस्तरीय ज्येष्ठ नागरिक नीति–२०८० र शैक्षिक छात्रवृत्ति निर्देशिका–२०८० स्वीकृत पनि गरेको छ । यस्तै सञ्चार रजिस्ट्रारको कार्यालयका लागि भवन उपलब्ध गराउन नेपाल सरकारलाई अनुरोध गर्ने निर्णय गरेको छ । अहिले प्रदेश सञ्चार रजिष्ट्रारको कार्यालय भाडाको घरबाट सञ्चालन हुँदै आइरहेको छ ।
