हेटौँडाः मकवानपुर जिल्लाको मकवानपुरगढी गाँउपालिका–६, डुम्रेकुनास्थित जालपादेवी माविमा बागमती प्रदेश प्रहरी अस्पतालको आयोजनामा एक दिने स्वास्थ्य शिविर सम्पन्न भएको छ । शनिबार भएको शिविरमा बागमती प्रदेश अस्पतालका डा. भवानी गुरुङ, डा. प्रकाश घिमिरे, डा.अस्मिता ओलीसँगै वडा स्वास्थ्य इकाई प्रमुख रसिला रानाले स्वास्थ्य परीक्षण गर्नुभएको थियो ।
शिविरमा दुइ सय ५० भन्दा बढीले स्वास्थ्य परीक्षण गराएका थिए । शिविरमा वडा अध्यक्ष कृष्णप्रसाद बजगाई, विद्यालय व्यवस्थापन समितिका अध्यक्ष नरबहादुर स्याङ्तानको पनि उपस्थिति रहेको थियो । स्वास्थ्य परीक्षणसँगै निशूल्क औषधि पनि वितरण गरिएको थियो ।
