हेटौँडाः हेटौँडा–२ स्थित गणपति बाबा बचत तथा ऋण सहकारी संस्था लिमिटेडको १२ औं साधारणसभाबाट कमल मैनाली सर्वसम्मत अध्यक्ष निर्वाचित हुनुभएको छ ।
हेटौँडा उपमहानगरपालिकाकी प्रमुख मीनाकुमारी लामाको प्रमुख आतिथ्यमा साधारणसभा भएको हो । अध्यक्षबाट ध्रुब घिमिरेले राजिनामा दिनुभएपछि कार्यवाहक अध्यक्षको जिम्मेवारी सम्हालि रहनुभएका मैनालीलाई साधारणसभाबाट अध्यक्षको जिम्मेवारी दिइएको हो । साधारणसभामा सहकारीका कोषाध्यक्ष भीमप्रसाद तिमल्सिनाले आर्थिक प्रतिवेदन प्रस्तुत गर्नुभएको थियो । सहकारीमा दुइ हजार दुइ सय १४ जना सेयर सदस्य छन् ।
