हेटौंडाः कृषि सामग्री कम्पनि लिमिटेडले आज ४२ टन मल मकवानपुरका विभिन्न स्थानीय तहलाई वितरण गर्दैछ । कृषि सामग्री कम्पनिले हेटौंडा उपमहानगरपालिका, थाहा नगरपालिका, कैलाश गाउँपालिका र मनहरी गाउँपालिकालाई ५/५ टनको दरले मल दिने जनाएको छ ।
यस्तै बकैया गाउँपालिका, बागमती गाउँपालिका, मकवानपुर गढी गाउँपालिका र भीमफेदी गाउँपालिकालाई ४/४ टन मल वितरण गरिने कृषि सामग्री कम्पनि लिमिटेडका छवि शर्माले जानकारी दिनुभएको छ । मकवानपुरको ईन्द्रसरोवर गाउँपालिका र राक्सिराङ गाउँपालिकालाई भने ३/३ टन मल वितरण गरिने उहाँले जानकारी दिनुभएको छ ।
