हेटौंडाः मकवानपुरको मनहरी गाउँपालिका–८ चिसापानीमा जंगली हात्तीको आक्रमणबाट स्थानीय जमुना कुमारी अधिकारीको घरमा क्षति पुगेको छ । मंगलबार राती १० बजेर १५ मिनेटको समयमा जंगली हात्ती आई अधिकारीको काठको बार भएको टिनले छाएको २ कोठे घरमा क्षति पुर्याएको बागमती प्रदेश प्रहरी कार्यालय हेटौंडाले जानकारी दिएको छ ।
स्थानीयको सहयोगमा हात्तीलाई जंगलतर्फ पठाइएको प्रहरीले जनाएको छ । हात्तीको आक्रमणबाट घरको पछाडीको भाग भत्किन गई सामान्य क्षति पुगेको प्रहरीले जानकारी दिएको छ ।
