हेटौंडाः मकवानपुर प्रहरीले लागुऔषध गाँजासहित एक युवतीलाई पक्राउ गरेको छ । पक्राउ पर्नेमा चितवनको रत्ननगर नगरपालिका–३, लौरीचोक बस्ने २० वर्षीया सरिता लामा रहेको जिल्ला प्रहरी कार्यालय मकवानपुरले जानकारी दिएको छ ।
आइतबार बिहान ४ बजेर ५० मिनेटको समयमा हेटौंडा–१०, बसपार्क क्षेत्रमा खटिएको प्रहरीको गस्ती टोलीले धनगढीबाट काँकडभिट्टातर्फ जान लागेको प्रदेश १–०१–००१ ख ३४११ नम्बरको यात्रुबाहक बसको सुरक्षाजाँच गर्ने क्रममा बसमा सवार सरिताको साथबाट लागुऔषध गाँजा फेला परेको थियो । सरिताको साथमा रहेको जेब्रा झोला भित्रबाट प्रहरीले ६ किलो गाँजा बरामद गरेको जनाएको छ । गाँजासहित सरितालाई नियन्त्रणमा लिई अनुसन्धान कार्य भइरहेको प्रहरीले जनाएको छ ।
