हेटौँडाः मकवानपुर क्योकुसिन कराँते संघ वनस्पती उपशाखाको आयोजनामा तथा हेटौँडा उपमहानगरपालिका १३ नम्बर वडा कार्यालयको प्रयोजनमा भएको प्रथम वडा अध्यक्ष फुल कन्ट्याक्ट राष्ट्रिय कराँते शनिबार सम्पन्न भएको छ ।
प्रतियोगितामा ५० केजी तौल समुहमा महिलातर्फ आरती लोप्चन प्रथम, सुस्मिता भोम्जन द्वितीय, प्रयोना लोप्चन तृतीय र पूर्णिमा श्रेष्ठ चौथो भए । ५५ केजीबाट लक्ष्मी थिङ प्रथम, ज्योति लुङ्बा द्वितीय, अनिशा तमाङ तृतीय र निशा थापा मगर चौथो भए । पुरुषतर्फ ५५ केजीबाट रोशन गौतम प्रथम, हीभव राई द्वितीय, मनिष गोपाली तृतीय र नवराज गिरी चौथो भए । ६० केजीबाट दिनेश लामा प्रथम, रकेन्द्र बोहोरा द्वितीय, भुपेन्द्र यादव तृतीय र रामेश्वर चौथो भए ।
प्रथम, द्वितीय, तृतीय र चौथो हुनेलाई क्रमशः जनही पाँच हजार, दुई हजार पाँच सय, एक हजार पाँच सय र एक हजार रुपैयाँ नगदसहित मेडल तथा प्रमाणपत्र प्रदान गरिएको थियो । प्रतियोगितामा एक सय ५० भन्दा बढी खेलाडीको सहभागिता रहेको थियो । वनस्पती क्योकुसिन कराँते डोजाङका अध्यक्ष अशोक डिमडुङको अध्यक्षता तथा वडा अध्यक्ष पेम्बा लामाको प्रमुख आतिथ्यमा शुक्रबार प्रतियोगिताको उद्घाटन कार्यक्रम भएको थियो ।
