हेटौंडाः मोटरसाइकल दुर्घटनामा परी राष्ट्रिय अनुसन्धान विभागका सेवानिवृत्त डीएसपी जीतबहादुर थापाको निधन भएको छ ।
आज साँझ साढे ४ बजेको समयमा हेटौंडा–६, चौघडातर्फबाट हेटौंडा बजारतर्फ जाँदै गर्दा ६५ वर्षीय थापा सवार ना १२ प ५३७३ नम्बरको मोटरसाइकल अनियन्त्रित भई क्याम्पाडाँडाको भित्तामा ठोक्किएको थियो । गम्भीर घाइते भएका थापाको उपचारको क्रममा साँझ साढे ५ बजेको समयमा हेटौंडा अस्पतालमा निधन भएको वडा प्रहरी कार्यालय हेटौंडाका प्रहरी निरीक्षक ईश्वरी भण्डारीले जानकारी दिनुभयो ।
