हेटौँडाः मकवानपुर प्रहरीले चोरीको मोटरसाइकलसहित ३ जनालाई पक्राउ गरेको छ । पक्राउ पर्नेमा मकवानपुरको बकैया गाउँपालिका–४ पाङदुरेका १८ वर्षीय निरोज गोले, २० वर्षीय बिशाल वाईबा र माझखोलाका १८ वर्षीय मनोज तामाङ रहेको प्रहरी नायव उपरीक्षक टेक बहादुर कार्कीले जानकारी दिनुभयो ।
शुक्रबार साँझ ५ बजेर ५० मिनेटको समयमा भित्री सडक खण्डमा हेटौँडाबाट मसानेतर्फ जाँदै गरेको प्रदेश २ ०३–००९ प ३३९३ नम्बरको मोटरसाइकललाई प्रहरी सहायक निरीक्षकको कमाण्डमा खटिएको टोलीले शंका लागी सुरक्षाजाँच गर्दा मोटरसाइकको कागजपत्र नभएको पाइएको प्रवक्ता कार्कीले जानकारी दिनुभयो । मोटरसाइकसहित तीनैजनालाई नियन्त्रणमा लिई थप अनुसन्धान गरिरहेको प्रहरीले जनाएको छ ।
