हेटौँडाः नेपाली काँग्रेसको भातृ संगठन नेपाल विद्यार्थी (नेवि) संघको मकवानपुर बहुमुखी क्याम्पस इकाईको कार्यवाहक अध्यक्षको जिम्मेवारी बुद्ध बहादुर बरामलाई दिइएको छ । नेपाल विद्यार्थी संघको विधान २०२७ को सातौं संशोधन २०७५ बमोजिम इकाई अध्यक्ष उमेश लाल स्याङ्तानले बरामलाई कार्यवाहक अध्यक्षको जिम्मेवारी दिनुभएको हो ।
बराम मकवानपुर बहुमुखी क्याम्पसको स्वतन्त्र विद्यार्थी युनियन (स्ववियु) मा समानुपातिक प्रणालीमार्फत सदस्य निर्वाचित हुनुभएको छ । बराम मकवानपुर बहुमुखी क्याम्पसमा स्नातक तहमा बाणिज्य शास्त्र संकायका विद्यार्थी हुनुहुन्छ । मकवानपुरको बकैया गाउँपालिकाका बराम नेपाल विद्यार्थी संघ र स्ववियु दुवै मञ्चबाट आफू विद्यार्थी वर्गको हकहितका लागि क्रियाशील रहने बताउनुहुन्छ । संगठनको नेतृत्वको जिम्मेवारीलाई आफूले सामूहिकरुपमा स्वीकार्य हुने गरी उपयुक्त कार्य गर्ने प्रतिवद्धता व्यक्त गर्नुहुन्छ ।
