हेटौंडाः मकवानपुर प्रहरीले लागुऔषध कोरेक्ससहित एक जनालाई पक्राउ गरेको छ । हेटौंडा–२, संगमचोकबाट लागुऔषधसहित हेटौडा–५, पुष्पलालपार्क बस्ने प्रकाश कुमार मगरलाई प्रहरीले पक्राउ गरेको जनाएको छ ।
आइतबार साँझ ७ बजेको समयमा विशेष सूचनाको आधारमा संगमचोकमा डेरा गरी बस्ने ३० वर्षीय ईश्वर माहाजुको कोठाबाट ६३ थान लागुऔषध कोरेक्स फेला परेको प्रहरीले जनाएको छ । ईश्वर कोठामा नभेटिएको प्रहरीले जनाएको छ । ग ४ प ४४०८ नम्बरको मोटरसाइकलमा लागुऔषध खरिद गर्न आएका मगरलाई प्रहरीले पक्राउ गरेको जानकारी दिएको छ । मोटरसाइकल, लागुऔषध कोरेक्स र मगरलाई नियन्त्रणमा लिई अनुसन्धान कार्य भइरहेको प्रहरीले जानकारी दिएको छ । माहाजुको खोजी कार्य भइरहेको प्रहरीले जानकारी दिएको छ ।
