हेटौंडाः स्वतन्त्र विद्यार्थी युनियन (स्ववियु) निर्वाचनमा हेटौंडा–१९, बस्तीपुरस्थित निर्मल बहुमुखी क्याम्पसमा अनेरास्ववियुका सरोज अर्याल विजयी भएका छन् । अर्यालले १ सय ३२ मतसहित स्ववियु अध्यक्ष निर्वाचित हुँदा अध्यक्ष पदका अर्का आकांक्षी अनेरास्ववियु (क्रान्तिकारी) का जयबहादुर रोक्का ५२ महसहित पराजित भए ।
स्ववियुमा अर्यालकै प्यानल विजयी भएको छ । सचिवमा सुसन पौडेल १ सय २६ मतसहित विजयी हुँदा सहदेव गोले ६० मतसहित पराजित भए । कोषाध्यक्षमा १ सय २८ मतसहित सूर्य बल विजयी हुँदा ५७ मतसहित सुदीप उप्रेती पराजित भए । सदस्यमा महेश कुमार सापकोटा (१३७ मत), सुनिता बल (१३७ मत), प्रमिला चौलागाई (१३३ मत), मीरा बिसङ्के (१२५ मत) र केपाश प्रजा (११६ मत) विजयी भएका छन् ।
समानुपातिकतर्फ १ सय ३१ मत अनेरास्ववियुले प्राप्त गर्दा ५६ मत अनेरास्ववियु (क्रान्तिकारी) ले पाएको छ । निर्मल बहुमुखी क्याम्पसमा २ सय १० जना मतदाता रहेकोमा १ सय ८८ मत खसेको थियो ।
