हेटौंडाः स्कुटरलाई ठक्कर दिई फरार बससहित चालकलाई मकवानपुर प्रहरीले पक्राउ गरेको छ । प्रहरीले ना ०३–००१ ख २५३६ नम्बरको बससहित बस चालक राम तामाङलाई पक्राउ गरेको मकवानपुर प्रहरी प्रवक्ता प्रहरी नायब उपरीक्षक टेकबहादुर कार्कीले जानकारी दिनुभएको छ ।
बिहीबार राती पूर्व–पश्चिम राजमार्गअन्तर्गत् मकवानपुरको मनहरीमा ना ३९ प १४३९ नम्बरको स्कुटरलाई ठक्कर दिई बस फरार भएको थियो । बसको ठक्करबाट दुर्घटना हुँदा स्कुटरमा सवार तीनजनाको मृत्यु भएको थियो । तामाङलाई अब थप अनुसन्धान गरी मृतक परिवारलाई क्षतिपूर्ति दिइने उपरीक्षक कार्कीले जानकारी दिनुभयो ।
