हेटौंडाः बागमती प्रदेशमा विभिन्न घटनामा सोमबार २ जनाको मृत्यु भएको छ । मकवानपुर र सिन्धुली जिल्लाका दुई जनाको मृत्यु भएको प्रदेश प्रहरी कार्यालय हेटौंडाले जानकारी दिएको छ ।
मकवानपुर जिल्लाको हेटौंडा उपमहानगरपालिका–१० टिसिएन रोडमा एक जना पुरुष मृत फेला परेका छन् । टिसिएन रोडमा रहेको निर्माणधिन घरको भर्याङ्गमुनी कवाडी संकलन गर्दै हिड्ने सनाखत नभएको ३५/४० वर्षीय पुरुष मृत फेला परेको प्रहरीले जनाएको छ । मुचुल्का पश्चात् शव पोस्टमार्टमका लागि हेटौंडा अस्पताल पठाईएको प्रहरीले जनाएको छ ।
यस्तै, सिन्धुली जिल्लाको कारागारमा बस्ने कैदी अशेश्वर पुर्बेको मृत्यु भएको छ । लागुऔषध गाँजा मुद्दामा जिल्ला अदालत धनुषाले ३ महिना २३ दिन कैद भुक्तानको फैसला गरी सिन्धुली कारागारमा पठाईएका धनुषा जिल्लाका ६३ वर्षीय अशेश्वर पुर्बेलाई सोमबार साढे २ बजेको समयमा बिरामी भई उपचार गर्न पठाईएको थियो । उपचारका क्रममा ३ बजेको समयमा डाक्टरले मृत घोषणा गरेको प्रहरी जानकारी दिएको छ । यस्तै, सोमबार बागमती प्रदेशमा ४ जना विभिन्न घटनामा घाईते भएका छन् ।
