हेटौंडाः प्रतिबन्धित लागूऔषध खैरो हेरोईनजस्तो देखिने कालो धुलो पदार्थ ८ ग्राम २४० मिलिग्रामसहित भारतीय दम्पतीलाई मकवानपुर प्रहरीले पक्राउ गरेको छ । सोमबार दिनको साढे ४ बजेको समयमा विशेष सूचनाको आधारमा जिल्ला प्रहरी कार्यालय मकवानपुरबाट खटिएको प्रहरी टोलीले जिल्ला हेटौंडा–१० स्थित आनन्दटोलमा डेरा लिई बस्दै आएका भारतीय दम्पतीलाई प्रहरीले पक्राउ गरेको हो ।
भारतको पश्चिमी चम्पारण बेतिया किलोग्राम घर बताउने २५ बर्षीय समीर सिद्धिकी र समीरकी श्रीमती २३ बर्षीया रिजु कुमारी दासलाई लागूऔषध खैरो हेरोईन जस्तो देखिने कालो धुलो पदार्थ ८ ग्राम २४० मिलिग्राम बिक्री गर्दै गरिरहेको अवस्थामा पक्राउ गरिएको प्रहरीले जनाएको छ । लागूऔषधसहित समिर र रिजुलाई हिरासतमा राखी थप अनुसन्धान कार्य भईरहेको प्रहरीले जनाएको छ ।
