हेटौंडाः प्रथम बागमती प्रदेश खेलकुद प्रतियोगिता अन्तर्गत आज भएको फुटबल प्रतियोगितामा सिन्धुलीलाई स्तब्ध पार्दै मकवानपुर सेनिफाइनलमा प्रवेश गरेको छ । हेटौंडा–५ स्थित पिप्ले क्याम्पा रंगशालामा भएको दोस्रो खेलमा सिन्धुलीलाई ३–० गोल अन्तरले हराउँदै मकवानपुर सेमिफाइनल प्रवेश गरेको हो ।
मकवानपुरलाई जित दिलाउन ललित चौलागाईं, सुनिल घलान र समिराज थोकरले समान एक–एक गोल गरे । खेलको म्यान अफ द म्याच मकवानपुरका सुनिल घलान घोषित भए । मकवानपुरले अब शुक्रवार सेमिफाइनल खेलमा भक्तपुरसङ्ग खेल्नेछ । मकवानपुरको यो दोस्रो जित हो । मकवानपुरले यस अघि नुवाकोटलाई हराएको थियो । हारसङ्गै सिन्धुली प्रतियोगिताबाट बाहिरिएको छ ।
