हेटौंडाः बागमती प्रदेशको कामचलाउन सामाजिक विकास मन्त्री विजयी सुवेदीले चितवनको जेष्ठ नागरिक संघलाई ६० हजार ३ सय २० रुपैयाँ हस्तान्तरण गर्नुभएको छ । बिहीबार मन्त्रालयमा पत्रकार सम्मेलन गर्दै ५१ दिनसम्म मन्त्रीको भूमिकाम रहँदा गरेको काम सार्वजनिक गर्नुभएको छ । उहाँको प्रमुखु स्वकीय सचिव सन्तोष पन्तले भाद्र २३ मन्त्रीमा नियुक्त भएदेखि ४९ औं दिनसम्मको दैनिक कार्यविवरण सार्वजनिक गर्नुभएको छ ।
मन्त्री सुवेदीले आफ्नो छोटो समयको अवधिमा बागमती प्रदेशलाई साक्षर बागमती प्रदेश घोषणा गर्न सफल भएका छन । यस्तै प्रदेश शिक्षा नीति मन्त्रीपरिषद्बाट स्वीकृत हुन मात्र बाँकी रहेको छ । यस्तै रोजगार सुचना प्रणालीको विकास तथा मन्त्रालयमा चेन अफ कमान्ड स्पष्ट कायम गरेका छन् ।
मन्त्री सुवेदीले ५१ दिनसम्म मन्त्रीको हैसियमा रहँदा १ लाख ६२ हजार रुपैयाँ बुझिसकेको र केही थप रकम आउँन बाँकी रहेको बतानुभयो । उहाँले ६ वटा मन्त्रीपरिषद्को बैठकमा भाग लिनुभएको छ ।
मन्त्री सुवेदीले पाएको एक गाडि र सुरक्षाकर्मी बिहीबार नै फिर्ता गराउको मन्त्रालयका सचिव यज्ञ ढुंङ्गेललाई जानकारी गराउनुभयो ।
उहाँले छोटो समयमा गर्ने इन्छाशक्ति भए धेरै काम गर्न सकिने बताउनुभयो । छोटो समयमा प्रदेशको मन्त्रीको जिम्मेवारी सम्हाल्न पाएकोमा नेकपा एमाले र मन्त्रीमा नियुक्त गर्ने पूर्व मुख्यमन्त्री अष्टलक्ष्मी शाक्यलाई धन्यवाद दिनुभएको छ । मन्त्री सुवेदीले सिक्ने, बुझ्ने र भावी कार्यायोजना कार्यान्वय गर्ने अवसर पाएको र सेवा गर्ने मौका पाएकोले सहयोग गर्ने मन्त्रालयका कर्मचारीहरुलाई धन्यवाद व्यक्त गर्दे बिदा हुनुभएको छ ।
