हेटौंडाः मकवानपुर उद्योग वाणिज्य संघको निर्वाचन सुरु भएको छ । आज भइरहेको निर्वाचनमा अध्यक्ष पदको लागि संघको निवर्तमान अध्यक्ष राजकुमार न्यौपाने र वर्तमान उपाध्यक्ष कृष्ण कुमार गुप्ता (अग्रवाल) भिड्दैछन् ।
न्यौपाने र गुप्ता आफ्नो प्यानलसहित चुनावी मैदानमा उत्रिएका हुन् । मकवानपुर उद्योग वाणिज्य संघमा २६ जना नेतृत्वको लागि ५४ जनाको उम्मेदवारी परेको थियो । संघको एशोसिएट सदस्य तर्फ भने शान्तिराम धिमाल निर्विरोध भएका छन् । उनको एकल उम्मेदवारी परेसँगै निर्विरोध भएका हुन् ।
